Täharät alu sävabı
Usman bin Affan rivayätendä kiterelgän hadistä Allahnıñ ilçese (SAS) äytä:
"Täharätne tiyeşleçä [aşıkmıyça, cirenä citkerep] algan keşeneñ tänennän gönahları yuılaçak. Hattä tırnagı astında bulsa da."
"Sahih muslim" kitabında rivayät itelgän.
Añlatu.
Täharät alu Allah karşısında gıybadät häm sävaplı eş. Anı eşlägän vakıtta tiyeşle räveştä, aşıkmıyça alu yahşırak. Täharätkä häm omumän gıybädätkä igtibar birep ütäü genä keşegä dini läzzät häm iman baylıgı biräçäk.
Säläm birü
Abu Hurayra rivayätendä kiterelgän hadistä Allahnıñ ilçese (SAS) äytä:
"Allahka ışamnıyça cännätkä kerä almassız. Ber beregezne yaratmıyça Allahka ışanuıgız tulı bula almas. Sezgä ber beregezne yaratuga säbäp bulgan eş turında äytimme? Ber beregezne sälämlägez."
"Sahih muslim" kitabında rivayät itelgän.
"Sahih muslim" kitabında rivayät itelgän.
Añlatu.
Ber berebezne ihlas küñeldän sälamläsäk, "Äs sälämu aläykum" diyep yahşılıklar teläsäk aralarıbız yahşırak, duslıgıbız nıgırak bulır. Läkin sälamläşü ihlas küñeldän bulırga tiyeş. "Äs sälämu aläykum" digän süzneñ manäse "Sezgä sälamätlek, tınıçlık, iminlek telim" diyü. Dimäk, bu süzlärne äytkändä ber berebezgä iñ yahşı närsälär telibez. Şundıy sälam belän Allah mirac kiçäsendä päygambärne sälamläde. Bez här namazda ukıgan "Ättähiyät" doasında "Äs sälämu aläykä äyyühän näbiyyü", (İminlek häm sälamätlek bulsın siña, äy päygambär) diyep äytäbez. Bu süzlärne Allah äykän häm bezgä sälamläşü yulın kürsätkän.