 |
| Kol Şärif mäçete |
15.12.2010 Dekaberneñ 16 nçı köne takvimda Aşura köne dip bilgelängän. Aşura süze aräp telemeñ [aşara] - un - süzennän kilep çıkkan. Hicri yılınıñ berençe ayı – Muharramnıñ unınçı köne Aşura köne dip yöretelä. Bu kön küp päygambärlär öçen istälekle kön. Dinebez buyınça bu könne Adäm päygambär cännätkä kertelgän. Nuh päygambärneñ köymäse bu köndä cirgä ireşkän häm Allahka rahmät ukıp Nuh päygambär här yıl bu könne uraza totkan. İbrahim päygambär bu könne uttan kotılgan. Musa päygambär bu köndä yähüd halkın belän Misır firaunınnan (farao) kaçıp kotılgannar. Diñgez suları divarlar bulıp açılgan häm yähüd haklı diñgez töbennän ütkännär. Firaun askäre belän yähüdlärneñ artınnan kugan vakıtta diñgez suları kuşılıp alarnı yuk itkän. Bezneñ päygambärebez dä bu könne hicrättän äüväl inde uraza totıp haterlägän. Mädinägä küçkäç şul yulnı dävam itkän. Aşura könendä uraza totu möstähab dip sanala. Bu könne uraza totuçılar ber yıl uraza totu sävabına ireşerlär dip päyagambärebez äytep kaldırgan. Aşura köne kotlı bulsın!
No comments:
Post a Comment